Biankonerët e kanë harruar startin e tmerrshëm të sezonit, për të hyrë në një seri të rezultateve fantastike që u mundëson atyre ngjitjen në klasifikim. Në ndeshjen hapëse të javës së 15-të, në kampionatin italian “zebrat” u kthyen me gjah të plotë nga Olimpico, pasi mposhtën skuadrën e Lazio-s, 0-2.
Një autogol i futbollistit Santiago Gentiletti në hyrje të takimit i ka hapur rrugën të besuarve të Aligeri-t, drejt një fitore të rradhës. Dominimin e plotë në ndeshje e konkretizoi me një supergol argjentinasti Paulo Dybala, kur kishte kaluar gjysmë ore lojë.
Pjesën tjetër të ndeshjes, Juventus e administroi lojën për mrekulli dhe në fund të 90 minutëshit, merr një fitore tjetër me rëndësi që e mban zonjën e vjetër në hap për titullin kampion. Tani, diferenca me kryesuesin Napoli është në vetëm katër pikë, por kujtojmë që napolitanët kanë një ndeshje më pak të zhvilluar. /tesheshi.com/
