A keni dëgjuar njerëz që ankohen për “fëmijët e sotëm?”
Për këtë fenomen ka folur edhe George Orwell kur thoshte se ”Çdo gjeneratë mendon se është më inteligjente se gjenerata e mëparshme, madje dhe më të zgjuar se gjenerata që do të vijë pas”.
Por a e dinit se ekziston një term për ta përcaktuar këtë fenomen? Juvenoia!
E përcaktuar për herë të parë nga sociologu David Finkelhor, i cili e shpjegon atë si një frikë e tepruar për gjërat që ndikojnë në rininë e sotme.
Po çfarë problem ka me fëmijët e sotëm? Asnjë!
Ndjesia se rinia e sotme është më problematike se kurrë është një mit.
Përkundrazi, në shumë raste rinia e sotme është përmirësuar në shumë aspekte: të rinjtë lexojnë më shumë, ka rënë dhuna ndërmjet të rinjve me 12%.
Thjesht, ato gjëra që duken të rrezikshme sot nuk janë aspak më të rrezikshme se ç’kanë qenë më përpara, dhe se eksperiencat ndryshojnë nga forma por jo nga përmbajtja e rrezikshmërisë.
