Jup Heinkes, trajneri i ri që u ul në bankinën e Bajernit të Mynihut deri në fund të këtij sezoni, pas divorcit të klubit gjerman me teknikun italian Carlo Ancelotti, në konferencën për shtyp, që zyrtarizoi emërimin e tij në këtë post, deklaroi se tashmë bavarezët duhet të rigjejnë besimin e humbur në vetvete.
“Puna ime tashmë do të konsistojë në rindërtimin e skuadrës, në mënyrë që kjo e fundit të mund të tejkalojë problemet që ka hasur deri më tani.
Kam një plan të qartë për t’u përballur me këto probleme, pasi është e rëndësishme për lojtarët që të rigjejnë vetveten dhe t’i besojnë kualitetit të tyre. Ndihem mjaft mirë si në aspektin fizik ashtu edhe atë psikologjik.
Kam fuqitë e një 60 vjecari dhe do të jap maskimumin tim”, tha tekniku gjerman, që pak viteve më parë i dhuroi bavarezëve 3 trofe në një sezon.
