Presidenti i Komisionit Evropian Jean-Claude Juncker ka akuzuar kryeministrin hungarez Viktor Orban për përhapjen e lajmeve të rreme.
“Unë i kam bërë shumë të qartë Këshillit të Evropës se disa nga kryeministrat e tanishëm janë burimi i lajmit të rremë”, u tha ai gazetarëve në Bruksel pas një takimi të liderëve të Bashkimit Evropian.
“Kur, për shembull, Orban thotë se unë jam përgjegjës dhe fajtor për Brexit, ky është një lajm i rremë. Kur ai thotë se emigrantët janë përgjegjës për Brexit, është lajmi i rremë”, tha Juncker.
Komentet e tij u bënë gjatë një samiti në Bruksel, ku krerët e BE-së diskutuan, ndër të tjera, edhe problemin e fake news-it.
“Le të mos e heqim përgjegjësinë te të tjerët. Të shikojmë përrreth për të parë se kush është përhapja e lajmit të rremë”, tha Juncker, duke iu referuar aktorëve të brendshëm të Unionit. /tesheshi.com/
