Presidenti i Komisionit Evropian, Jean-Claude Juncker ka patur një bisedë telefonike me Presidentin e Kosovës, Hashim Thaçi, nëpërmjet së cilës ka dhënë përkrahje për dialogun Beograd-Prishtinë, duke u bërë thirrje të dy palëve që të vazhdojnë të punojnë intensivisht.
Zëdhënësi i KE, Margaritis Schinas tha se “nga kjo bisede telefonike, presidenti Juncker i dha mbështetje dialogut mes Serbisë dhe Kosovës që është në proces”.
Edhe Thaçi ka konfirmuar atë që e ka konsideruar “mbështetje të fortë” për të arritur marrëveshjen, si “kusht kyç për sigurimin e paqes afatgjatë në Ballkanin Perëndimor dhe hapjen e perspektivës euroatlantike”. Por në pikëpyetje ka mbetur nëse Junker, si një ndër liderët diplomatikë të Brukselit, është apo jo për ndryshim kufijsh. /tesheshi.com/
