Shefi i Komisionit Europian, Jean-Claude Juncker ka thënë se shtetet e Bashkimit Europian ‘kanë dështuar në zgjidhjen e krizës së emigrantëve, përfshirë marrëveshjen për të zhvendosur mijëra azilkërkues nga Italia dhe Greqia’.
Deri më tani 272 refugjatë janë zhvendosu për në shtetet e tjera, nga 160 mijë që vendet e Bashkimit Europian vendosën të pranonin dhe shpërndanin mes tyre, për të përballuar në kontinent përhapjen e azilkërkuesve dhe migrantëve, të cilët përpiqen të largohen nga vendet si Siria, ku konflikti i luftës është i hapur.
“Nuk është komisioni që nuk ka bërë shpërndarjen, por një numër i madh i shteteve anëtare kanë dështuar në bërjen e kësaj shpërndarjeje, e cila duhet të realizohet sa më shpejt”,- është shprehur Juncker në një deklaratë për shtyp.
Ai shtoi se ‘po lodhej’ pasi Komisioni nuk po ia dilte të përballonte krizën më të keqe të emigrantëve që prej Luftës së Dytë Botërore./tesheshi.com/
