Presidenti i Komisionit Europian, Jean-Claude Juncker paralajmëroi të premten rrezikun e një lufte në Ballkan nëse Bashkimi Evropian, siç tha ai, lejon që të humbet shpresa te vendet e këtij rajoni për t’u bashkuar Europës.
“Nëse e privojmë Ballkanin nga perspektiva e anëtarësimit, ne do të përjetojmë atë që kemi përjetuar në vitet 1990, padyshim më shpejt se sa më vonë”, tha ai në Vjenë.
Ai theksoi megjithatë, se rruga për anëtarësimin e plotë të vendeve të Ballkanit Perëndimor në BE është ende e gjatë, për shkak se përparimi i tyre ende i pamjaftueshëm.
“Megjithatë, BE-ja duhet të jetë e angazhuar në mënyrë në Ballkan për të mos lejuar lindjen e idesë se ne nuk mendojmë seriozisht kur bëhet fjalë për perspektivën e anëtarësimit, duke pasur parasysh faktin se disa shtete anëtare nuk i fshehin rezerva e tyre”, tha Juncker.
“Toka është ende pjellore për konfliktet e luftës në atë rajon”, tha ai.
Juncker shtyu BE-në që të propozojë krijimin e hapësirës ekonomike të vendeve të Ballkanit Perëndimor, që siç tha, do të jetë në gjendje që të krijojë mundësi zhvillimi në po të njëjtën mënyrë kur ato të jenë dhe anëtarë të BE-së.
Ai gjithashtu theksoi se të gjitha mosmarrëveshjet kufitare duhet të zgjidhen para pranimit, në mënyrë që paqëndrueshmëria nga Ballkani të mos importohej në BE.
Këto komente, Juncker i bëri në një fjalim në parlamentin austriak me rastin e 100-vjetorit të themelimit të Republikës së Austrisë në nëntor 1918. /tesheshi.com/
