Eshtë tashmë zyrtar një prej transferimeve më të diskutuara të ditëve të fundit. Mesfushori me tipare sulmuese i Volfsburgut, Julian Draxler, u është bashkuar kampionëve në fuqi të Francës, skuadrës së PSG-së.
Sipas njoftimit nga klubi i Volfsburgut, kontrata e re me ekipin francez është për katër vite e gjysmë. Arsenali, Liverpuli dhe Juventusi janë cituar gjatë kësaj kohe si destinacione të mundshme për Draxler-in, që në fund ka vendosur të kalojë në futbollin francez.
Draxler u afrua te Volfsburgu verën e vitit të shkuar, si një zëvendësues për të larguarin Kevin De Bruyne. Mungesa e formës këtë sezon u shoqërua dhe me shprehjen e dëshirës prej tij për t’u largua nga Volfsburgu.
Ai fillimisht do t’i bashkohej Shalke-s kur ishte vetëm tetë vjeç. Më pas vendosi një rekord për klubin, duke debutuar në Bundesligë në janar të 2011-s, në moshën 17 vjeç e 117 ditë.
Debutimi për Gjermaninë do të vinte në moshën 18 vjeç, në miqësoren ndaj Zvicrës në maj të 2012-s.
“Sigurisht që jam i pikëlluar ta shoh Julian-in të largohet, sepse është një futbollist i jashtëzakonshëm,” deklaroi për transferimin trajneri i Volfsburgut, Valerien Ismael. /tesheshi.com/
