Anëtari i Këshillit Kombëtar të Partisë Demokratike, Julian Deda ka ftuar paraditen e sotme, të gjithë të rinjtë e të rejat, studentët e studentet, por edhe miq e përfaqësues të brezit të ri, të cilëve iu drejtua me shprehjen “të majtë e të djathtë, apo edhe pa parti”.
Thirrja e Dedës vjen një ditë përpara protestës së radhës të paralajmëruar të opozitës e cila do të bëhet para Parlamentit. Deda u shpreh se thirrja, nuk vjen thjesht nga Partia Demokratike, por nga nevoja e vendit për të ndalur qeverisjen e sotme dhe për të hapur një rrugë të re për vendin.
“Kjo thirrje vjen nga padrejtësia e thellë, për shkak të së cilës gjysma e shqiptarëve janë në mjerim, ndërsa anëtarët e qeverisë rezultojnë të jenë më të pasurit në rajon”, u shpreh ndër të tjera Julian Deda./tesheshi.com/
