Themeluesi i Wikileaks, Julian Assange do të vazhdojë paraburgimin. Kështu u vendos pas një seance gjyqësore të shkurtër në Londër e cila do të vendosë nëse ai duhet të ekstradohet në Shtetet e Bashkuara për t’u përballur me akuzat e spiunimit.
Assange përballet me 18 akuza në SHBA përfshirë komplotin për të përgjuar kompjuterët e qeverisë duke shkelur ligjin për spiunazhin. Ai mund të kalojë disa dekada në burg nëse dënohet. Assange do të paraqitet përsëri në gjykatë më 21 tetor, këtë herë personalisht, lidhur me seancën dëgjimore për ekstradimin e plotë.
Ai mori vëmendje kur websajti i tij Wikileaks publikoi qindra mijëra biseda sekrete amerikane në 2010, duke zemëruar Uashingtonin.
Në vitin 2012, Assange u strehua në ambasadën Ekuadorit në Londër për të shmangur ekstradimin në Suedi, ku u akuzua për krime seksuale të cilat ai mohon.
Ai u largua nga ambasada në prill pas shtatë vjetësh dhe mori një dënim me burg prej 50-javësh për shkeljen e lirimit me kusht. Ky dënim përfundoi muajin e kaluar, por ai mbetet në burg derisa çështja e tij për ekstradim vazhdon. /tesheshi.com/
