Themeluesi i WikiLeaks, Julian Assange u (vetë)deklarua fajtor në një gjykatë amerikane të mërkurën, më 26 qershor, për shkeljen e Aktit të Spiunazhit të SHBA, në një marrëveshje me Departamentin e Drejtësisë të SHBA që i dha fund një beteje ligjore shumëvjeçare dhe la sallën e gjyqit si një njeri i lirë.
Gjyqtarja Ramona Manglona miratoi marrëveshjen me prokurorët, duke i dhënë fund sagës 14-vjeçare.
Në përputhje me marrëveshjen për pranimin e fajësisë, ajo e dënoi atë me burg, por të cilin ai e ka vuajtur tashmë. Assange kaloi pesë vjet në burg në Mbretërinë e Bashkuar.
Pas leximit të vendimit, prokuroria tërhoqi menjëherë kërkesën e saj për ekstradimin e Assange, që ishte një moment i madh duke pasur parasysh se themeluesi i WikiLeaks kaloi vite në gjykatë duke u përpjekur të shmangte ekstradimin në SHBA.
Gjykatësja tha se qeveria amerikane kishte rënë dakord të mos ndiqte akuza të mëtejshme penale.
Assange buzëqeshi ndërsa ajo i parauroi ditëlindjen (ai mbush 53 vjeç javën e ardhshme), duke thënë se shpresonte ta fillonte jetën e tij të re me një notë pozitive.
Assange është tani një njeri i lirë dhe mund të kthehet në vendlindjen e tij Australi pas vitesh në mërgim.
Julian Assange boards flight at London Stansted Airport at 5PM (BST) Monday June 24th. This is for everyone who worked for his freedom: thank you.#FreedJulianAssange pic.twitter.com/Pqp5pBAhSQ
— WikiLeaks (@wikileaks) June 25, 2024
Platforma e Assange, WikiLeaks, publikoi mijëra dokumente të klasifikuara ushtarake amerikane në lidhje me pushtimin amerikan të Afganistanit dhe Irakut.
Uashingtoni pretendoi se australiani rrezikoi jetën e agjentëve amerikanë dhe se nuk ka asnjë justifikim për aktet e tij kriminale. Mbështetësit e tij, nga ana tjetër, e trajtojnë atë si një hero që u ndoq penalisht për zbulimin e krimeve amerikane.
WikiLeaks, ndër të tjera, publikoi në vitin 2010 një video të helikopterëve ushtarakë amerikanë që vrasin civilë në kryeqytetin irakian Bagdat, si dhe informacione për qindra civilë të vrarë gjatë pushtimit amerikan në Afganistan.
Policia britanike e arrestoi australianin në vitin 2019 në ambasadën e Ekuadorit në Londër, ku qëndroi shtatë vjet. /tesheshi.com/
