Moti i egërsuar pritet të godasë jugun e Shqipërisë këtë të mërkurë. Kryeministri Edi Rama ka mbledhur herët në mëngjes Shtabin e Emergjencave për të bërë një analizë të situatës e përcaktuar masat e parandalimit e përballimit të pasojave në prefekturat e Gjirokastrës, Vlorës dhe Fierit.
“Besoj që situata në zonën e jugut do të jetë e rënduar sipas parashikimeve por ndërkohë kemi parë që masat që kemi marrë duke bërë pastrime masive të kanaleve dhe duke investuar në disa segmente pas përmbytjeve të mëparshme, e kanë sidoqoftë relaksuar goxha situatën”, tha Rama.
Ndërkohë, kreu i Emergjencave Civile, Shemsi Premçi tha se vetëm për jugun ministria e Mbrojtjes ka angazhuar 300 forca. Ndër të tjera, ai theksoi se i është kushtuar mjaft rëndësi paralajmërimit të njerëzve për evakuimin. /tesheshi.com/
