Tetova vazhdon të ketë ajrin më të ndotur në Maqedoni, pasi matjet e sotme tregojnë nivel shumë të lartë të grimcave PM10, të cilat kanë arritur në 241 mikrogram në një metër kub.
Kthimi në normale mund të ndryshojë së shpejti pasi ndotësi më i madh, fabrika “Jugohrom” ka paralajmëruar vendosjen e filtrave ekologjië, për çka kanë filluar punimet, por e kaluara e hidhur e tetovarëve, i bënë ata të kujdesshëm ndaj këtyre paralajmërimeve.
Lëvizja “Eco Guerila”, organizatore e protestave të shumta para uzinës, ka dalur me kërkesë që t`u lejohet anëtarëve të saj, që t’njoftohen me programin i cili synon ti jep fund ndotjes.
“Për shkak të dyshimit për manipulim të mundshëm në zbatimin e këtij projekti, duke pasur parasysh se deri tani” Jugohrom “dhe Ministria e Mjedisit kanë shkelur ligjin në lidhje me transparencën në informim, kërkojmë që konform ligjit për mjedis, të na mundësohet njohja me programin, pasi ndryshe të njejtin do ta konsiderojmë manipulim për të blerë në kohë”- deklaroi për tesheshi.com, Arianit Xhaferi, kryetarë i lëvizjes. /tesheshi.com/
