Në një ceremoni në kuadër të 100-vjetorit të shpalljes së Tiranës kryeqytet, kryeministri Rama, ish-kryebashkiak në tre mandate, duke e drejtuar qytetin për 11 vjet, përmendi rrugëtimin e tij që kur Kongresi i Lushnjes e shpalli si kryeqendër të Shqipërisë.
“E nisën komunitetet fetare (hoxhallarët si drejtues të parë – Zyber Halulli ipari), pastaj erdhën austriakët, italianët, komunistët, liri-demokratikasit dhe në fund fare erdhi Lali Eri.
Kthen kokën në 360 gradë dhe duket sikur je në katër kohë dhe botë të ndryshme. Po 100 vitet e tjera çfarë do të ndodhë? Asnjëherë strategjitë, politikat, planet nuk do e pengojnë Tiranën që të jetë befasuese, do të jetë një qytet që të gjithë do të duan të vendosin rregullin dhe secili ta prishë pak”, tha Rama.
Duke patur para ambasadorët kryesorë në Shqipëri, Rama tha se Tirana mbetet një dëshirë për t’u rikthyer për shumë diplomatë që kanë shërbyer në kryqeqytetin shqiptar.
“Nuk e mbaj mend saktë vitin, por mbaj mend që ishte i hapur vendi i punës për ambasadorin e BE-së dhe rastësisht kam takuar shefen e atëhershme të diplomacisë europiane që më tha se ‘çfarë ndodh me Shqipërinë?’ Nuk e kuptova.
‘Kemi disa vende për ambasador dhe kemi hapur aplikimet dhe për vendet e BE-së ka një mesatare të zakonshme 9-10 aplikime, për vendin në Tiranë 41 vende’. Përveç asaj tha se ‘ka ambasadorë aktualë që janë ambasadore dhenë pozicione të larta në vende të tjera, që kanë qenë dhe duan të rikthehen. Po kush janë i thashë? Nuk më tregoi. Mora vesh se njëri ishte sekretari i parë në një nga vendet më të larta të botës.
Më shkroi, ‘është e vërtetë, më tha’, pasi ke qenë në Tiranë, nuk ka kontinent që ta mbush syrin. Mbase këta që vijnë nga BE janë të lodhur me rregull, disiplinë, standarde dhe monotoni, atë që vijnë nga Amerika ndoshta ndihen si Papa kur shkon në Argjentinë…është një qytet që 100 vite më parë ishte shumë i vogël, por u ndërtua nga shumë duar që ia lanë stafetën njëra tjetrës me hir apo pa hir dhe që vunë tullat e tyre duke sjellë kultura, vizione dhe percpetime të ndryshme”, theksoi shefi i qeverisë.
Ndërsa kryebashkiaku aktual Veliaj.
“Ahengu, e bukura dhe pasioni, janë tre gjërat ku mbështetet filozofia e Tiranës. Tirana na do të gjithëve njëlloj”.
“Sot këtu jemi bashkë, të majtë të djathtë. Lutja ime është të jemi bashkë si tani edhe jashtë mureve. Ne shpresojmë që të kuptojmë historinë tonë, rrugën që na ka sjellë. Metafora më e bukur e Tiranës është familja jonë e shenjtë. Tirana ka kaluar 130 kombësi të huaja, duke e bërë kozmopolitan, ndërsa ka kaluar mbi 1 milion banorë”, tha Veliaj. /tesheshi.com/
