Në jubileun e 10-vjetorit të Pavarësisë, ish-presidenti amerikan Bill Klinton, ka përcjellë një mesazh audiovizual për shtetin, politikën dhe shoqërinë kosovare.
Emri dhe roli i tij kanë një lidhje direkte dhe të drejtpërdrejtë me Kosovën si shtet i pavarur, dhe për këtë arsye mesazhi i Klintonit vjen natyrshëm. Por ai, mes shumë frazave standarte, nuk ka nguruar të përçojë dhe qëndrime, ku veçon Specialja. Mesazhi është i qartë: mos e prekni!
Fjala e plotë e Klintonit:
Nëntëmbëdhjetë vjet më parë, Forcat Aleate të Operacionit të NATO-s përfunduan një spastrim të përgjakshëm etnik në Kosovë, të udhëhequr nga diktatori Sllobodan Millosheviç, i cili deri atëherë kishte vrarë më shumë se dymbëdhjetë mijë vetë dhe kishte zhvendosur më shumë se një milion kosovarë. Ndërsa konflikti u mbyll dhe refugjatët filluan të ktheheshin në qytetet dhe fshatrat e tyre, unë shkova në Kosovë për të falënderuar forcat amerikane dhe për të takuar udhëheqësit lokal. Vizitoza gjithashtu një shkollë fillore në Ferizaj. Unë thashë prindërve dhe fëmijëve u mblodhën aty, se për derisa miqtë dhe aleatët e tyre në NATO kishin fituar luftën për t’i lejuar ata të ktheheshin në shtëpitë e tyre, vetëm ata mund të fitonin paqen. E dija se ata ishin mjaft të fortë për të rindërtuar jetën e tyre, por rindërtimi i shoqërisë së tyre do të ishte më i vështirë – ndërtimi një komb të ri, kërkonte që ish-antagonistët të punonin së bashku, të gjenin njerëzimin e tyre të përbashkët dhe ëndrrat e përbaskëta në mesin e dallimeve dhe ankesave të tyre.
Sot, njerëzit krenar të Kosovës meritojnë përgëzimet tona dhe mbështetjen e vazhdueshme. Pikërisht dhjetë vjet që nga pavarësia e tyre, ne i festojmë arritjet e tyre: realizimin e zgjedhjeve të drejta dhe të besueshme, forcimin e gjyqësorit dhe vendosjen e bazës për një ekonomi tërheqëse për investitorët ndërkombëtar. Paqja e qëndrueshme në Kosovë mbetet një shenjë shprese për të gjitha shoqëritë që janë në konflikt, nëpër botë.
Për të mbajtur dhe ndërtuar mbi këto fitime të fituara me mundim, udhëheqësit modernë të Kosovës duhet të vazhdojnë të punojnë për ta vënë pas vetes të kaluarën dhe për të vënë interesin kombëtar përpara fitimit personal. Sigurimi i stabilitetit të ardhshëm dhe rritjes më gjithëpërfshirëse kërkon që Qeveria e Kosovës të punojë edhe më shumë për të fituar besimin e të gjithë popullit të saj dhe për të mbështetur sundimin e ligjit, duke përfshirë punën e Dhomave Speciale – gjykatat e ngritura për të adresuar krimet e kryera pas pushtimi përfundoi. Është jetësore që Kosova të vazhdojë të kërkojë drejtësi, të refuzojë përpjekjet për të penguar procesin e duhur dhe të vërë në gjyq të gjithë të akuzuarit me dëshmi të besueshme për kryerjen e krimeve të luftës, pavarësisht nga përkatësia etnike ose kombësia.
Demokracia reale është shumë më tepër sesa sundimi i shumicës; gjithashtu kërkon mbrojtjen e të drejtave të pakicave, të drejtave individuale, një angazhim të sinqertë ndaj një shoqërie gjithëpërfshirëse, vendimmarrjen e përbashkët dhe sundimin e ligjit. Kjo përfshin mbrojtjen e të drejtave të pakicave në Kosovë, përfshirë serbët. Kjo është veçanërisht e rëndësishme veçanërisht pas vrasjes së Oliver Ivanoviçit, i cili ishte një forcë për pajtim.
Ky përvjetor dhjetëvjeçar na kujton edhe përgjegjësinë tonë kolektive për të qenë partnerë të ngushtë në të ardhmen e Kosovës. Është koha që të gjithë kombet të pranojnë sovranitetin dhe anëtarësimin e Kosovës në Kombet e Bashkuara. Unë mbështes ambiciet e Kosovës për t’u bashkuar me Bashkimin Evropian, NATO-n dhe OECD-në. Dhe ashtu siç i lusim liderët e Kosovës për të çrrënjosur korrupsionin, po ashtu duhet që miqtë e Kosovës të pranojnë se kapërcimi i korrupsionit është një proces afatgjatë që varet nga heçja e zakoneve të këqija dhe rezistimin e ndikimeve të këqija – një proces që ka më shumë gjasa të ndodhë nëse mbështetet nga komuniteti ndërkombëtar sesa të ndëshkohet prej tij. Ne gjithashtu duhet të mbështesim udhëheqësit në Kosovë dhe Serbi në përpjekjet e tyre për të negociuar një të ardhme që ka të bëj me “të qenurit të gjallë dhe mbetruit të gjallë” që lejon që të dy popujt ta vendosin historinë prapa tyre. Dhe, ndoshta më e rëndësishmja, ne duhet të ndihmojmë për të zgjeruar mundësitë ekonomike dhe mobilitetin social për të gjitha familjet në Kosovë.
Ata fëmijë që takova në shkollën fillore në vitin 1999 janë rritur tani, duke marrë përgjegjësi për familjet e tyre dhe për të ardhmen e vendit. Për një dekadë, qytetarët e Kosovës kanë mbledhur guximin dhe vizionin për të mbajtur anijet e lundrimit të shtetit të tyre. Shpresoj që në dhjetë vitet e ardhshme, të gjithë qytetarët e Kosovës dhe të gjithë ne në mbarë botën të cilët iu dëshirojnë të mirat, do të punojnë edhe më shumë për të ruajtur dhe forcuar paqen, për të zgjeruar mundësitë ekonomike dhe për t’i dëshmuar njëri-tjetrit çdo ditë që bashkëpunimi jep dividendë shumë më të madhe sesa konflikti. /tesheshi.com/
https://www.facebook.com/billclinton/videos/10155440655642252/?t=0
