Themeluesi i WikiLeaks, Julian Assange, sapo u dënua me 11 muaj murgim për shkeljen e lirimit me kusht gjatë periudhës që ka qëndruar në Ambasadën e Ekuadorit në Britani të Madhe.
Avokati i tij po pretendon se ai ka qenë i detyruar të veprojë asisoj, për shkak se frikësohej nga ‘kidnapimi dhe torurimi’ nga SHBA-të.
47 vjeçari mbante veshur një xhaketë të zezë dhe kishte një mjekër “të rregullt” për dallim nga momenti spektakolar i arrestimit të tij pak javë më parë.
Por kjo është akuza e parë. Shtetet e Bashkuara të Amerikës janë duke u përpjekur ta ekstradojnë atë lidhur me rrjedhjet e dokumenteve të tyre përmes faqes së WikiLeaks. Rrjedhja e tyre ndodhi në vitin 2010, dhe që atëherë, ai ka kërkuar mbrojtje në Ambasadën e Ekuadorit në Britani të Madhe, ku edhe po gjykohet.
Britania e Madhe do të vendosë nëse do të ekstradojë Assange-in në SHBA, në përgjigje të pohimeve se ai komplotoi me ish-analistin e zbulimit amerikan Chelsea Manning për të shkarkuar bazat e të dhënave të klasifikuara. Ai përballet me afro pesë vjet burg, nëse shpallet fajtor.
Wikileaks ka publikuar mijëra dokumente të klasifikuara që mbulojnë shumë gjëra, nga industria e filmit, deri te siguria kombëtare dhe lufta. /tesheshi.com/
