Avokatë në Lushnjë e Berat shpallën një bojkot tre-ditor të proceseve gjyqsore në shenjë proteste ndaj vrasjes së kolegut të tyre Ravik Gurra pak ditë më parë në Elbasan.
Ndaj këtij të fundit pati një atentat në mbrëmje në qendër të këtij qyteti teksa ishte ulur në një lokal. Viktima njihej si avokat i Çapjave, njëherësh mik i tyre, si dhe i Shullazit.
Pas kësaj vrasjeje, e rrallë në lloj në raport me statusin e viktimës, kolegë të tij në disa qytete vendosën të protestojë me bojkot të përkohshëm.
Policia ende nuk ka mundur deri më tani të ofrojë të dhëna mbi vrasësit e mundshëm të avokatit, si dhe arsyes së vrasjes. /tesheshi.com/
