Ka shumë njerëz të cilët i zë deti, apo edhe makina. Këto dy mundësi transporti sidomos në orë të gjata, janë zgjidhje e padëshiruar për ata që i zë, ndaj dhe i shmangin sa të mundin. Por një zgjidhje vjen nga shkencëtarët e institutit kërkimor britanik, Imperial College London.
Ata sugjerojnë një pajisje e cila shmang fenomenin. Bëhet fjalë për një goditje të butë elektrike në skalpin e kokës, e cila largon ndjesinë e të vjellave, tregon Dr Qadeer Arshad, lider i studimit në Imperial College London.
Ata janë duke krijuar një pajisje që do të lidhet me një telefon celular, dhe do të çojë një goditje të butë elektrike në kokë falë një pakete elektrodash. Profesor Michael Gresty thotë se fenomeni “të zë deti” shkaktohet nga mesazhet konfuze që marrim nëpërmjet veshëve dhe syve kur jemi në lëvizje.
Tre në 10 persona i përjetojnë këto simptoma, të vjella dhe ethe kur janë në mjet lundrues apo tjetër që i provokohen të vjellat. Sipas tij, një goditje e butë elektrike në kokë do të ndërpresë aktivitetin e asaj pjese të trurit që është përgjegjëse për përpunimin e sinjaleve të lëvizjes.
Nëpërmjet saj do të reduktohet ndikimi i inputeve që merr truri, duke parandaluar problemin. Skuadra e shkencëtarëve është duke folur edhe me biznesin për të nxjerrë pajisjen në treg.
Ata shpresojnë që kjo pajisje të shitet në farmaci brenda pesë apo dhjetë vitesh. Edhe ushtria është e interesuar, thonë shkencëtarët, veçanërisht për personat që ndihen keq teksa kryejnë operacione ushtarake./tesheshi.com/
