Sa herë ju ka ndodhur të keni pasur një tik tek syri? E kemi fjalën kur qepalla, pa asnjë arsye apo ngacmim të jashtëm, nis të dridhet me frekuenca të shpejta dhe më pas ndalet vetë. Ekspertët e Mayo Clinic, në Shtetet e Bashkuara të Amerikës kanë studiuar këtë fenomen dhe kanë arritur të dallojnë se cilat janë shkaqet që provokojnë dridhjen e qepallës.
Pikë së pari duhet të dimë se edhe dridhjet janë nga më të ndryshmet. Ato janë analizuar veç e veç nga ekspertët. Rasti më i shpeshtë është ai i miokikisë dhe bëhet fjalë për atë gjendje që prek vetëm qepallën, si atë të sipërme, edhe atë të poshtme.
Karakterizohet nga dridhja e vetëm njërit prej syve. Dridhja kalon pas disa sekondash dhe mund të fillojë sërish pas disa orëve, ose pas disa ditëve. Shkaktohet nga muskujt e vegjël të syrit dhe nga nervat, të cilat kontraktohen pa kontroll.
Sipas mjekut Matthew Palmer, ky lloj tiku shkaktohet si pasojë e stresit, nga gjumi i pakët dhe nga mungesa e kafeinës. Por ka edhe një faktor tjetër që mund të shkaktojë dridhjen në fjalë: çokollata. Sipas ekspertëve, për të evituar dridhjet e qepallës, është e nevojshme të ndalohet konsumi i substancave stimuluese dhe të bëni herë pas here ushtrime qetësuese.
Një tjetër lloj i tikut të syrit më pak i pazakontë është blefarospasmo. Në këtë rast dridhja prek të dy sytë dhe përkeqësohet me kalimin e kohës. Bëhet fjalë për një tik më të rrallë dhe më të bezdisshëm, çka paralajmëron për verbëri. Kur ndodh një dridhje e këtij lloji është mirë të paraqiteni tek një mjek. /tesheshi.com/
