A keni provuar ndonjëherë të hani dëborë?veçanërisht kur keni qenë fëmijë? Në fakt, të gjithë e dimë se fëmijët e vegjël, sa herë që luajnë në dëborë tentojnë ta fusin atë në gojë. Ekspertët shprehen dhe argumentojnë se nuk është mirë të konsumohet bora, e kjo për disa arsye.
Konsumi i borës shkakton rezik të inflamacionit dhe infeksioneve në fyt, për shkak se edhe dëbora e bardhë dhe e pashkelur përmban papastërti dhe kmikate të dëmshme.
Nëse hani pak dëborë, kjo nuk do të thotë se do të sëmureni menjëherë, por është i provuar dhe vërtetuar fakti se edhe pjesa më e vogël e dëborës përmban kimikate të dëmshme.
Pra, nuk do të thotë se trupi juaj do të dëmtohet në mënyrë të menjëhershme, por ngrënia e dëborës është e rrezikshme.
Frank Vanier, kimist në Universitetin e Torontos shpjegon se në atmosferë shpërndahen në mënyrë të natyrshme kimikate industriale. Për shembull, kimikatet që çlirohen në Indi mund të gjenden në borën që bie në Kanadanë e Veriut, pesë ditë më pas.
Silk Wilms, një nutricionist i cili punon për një kompani sigurimi shëndetësor në Haburg shprehet se fëmijët nuk dëmtohen nëse konsumojnë sasi të vogla dëbore.
Siç thotë ai, bora është një formë tjetër e uji të distiluar dhe mund të përthithë disa nga mineralet që përmban trupi, por ato mund të zëvendësohen nëpërmjet konsumit të ushqimeve të tjera.
Tregoni kujdes që fëmijët të mos fusin në gojë borë që gjendet në anë të rrugëve, pasi ajo është e ndotur me urinën e qenve apo me kripë ose skorje që hidhen në rrugë.
Mjeku Jeff Gaffney, një shkencëtar nga instituti Argon National Laboratory shprehet se flokët e borës përmbajnë substanca që përzien në ajër me kimikatet dhe janë të ngjashme me shiun acid. Ato mund të jenë të pasura me sulfate, nitrate apo edhe me kimikate të tjera të dëmshme, ndaj bëni kujdes!/tesheshi.com/
