Kanë përfunduar takimet e ndara të partive maqedonase LSDM dhe VMRO me eurodeputetët Ivo Vajgëll, Eduard Kukan dhe Riçard Houit, që paraqet ndërmjetësimin e parë ndërkombëtarë për ngërçin politik.
Asnjëra nga palët nuk është prononcuar për mediat me arsyetimin se pritet të përfundojë i tërë procesi i bisedimeve në Parlamentin Evropian dhe vetëm atëherë palët dhe eurodeputetët do të dalin me qëndrim zyrtarë për epilogun e tyre.
Informata jozyrtare që kanë qarkulluar thonë se qëndrimi i eurodeputetëve është kthimi urgjent i socialdemokratëve maqedonas në Kuvend dhe ndërprerja e publikimit të përgjimeve telefonike, për çka do të pasojë procesi gjyqësor “Grushtet”, në të cilin do të dëshmohet autenticiteti i tyre.
Pa dallim nga epilogu i bisedimeve të sotme fillestare, nga Europarlamenti paralajmërojnë se pas Festës së Pashkëve do të mbahet takim i ri me qëllim të vënies fund të krizës politike në Maqedoni dhe kthimi i LSDM-së në Kuvend, ndërsa sipas paralajmërimeve, pjesë e takimit të dytë do të jetë edhe Bashkimi Demokratik për Integrim.
“BDI do të jetë e përfshirë në fazën e dytë të bisedimeve. Këtë e kemi garanci nga BE” ,- njoftoi sekretari i partisë Abdylaqim Ademi./tesheshi.com/
