Pas një periudhë pazue, ish-nën/kryetarja e PD-së, Jozefina Topalli, ka sulmuar sërish ashpër kreun demokrat Basha, njeriun prej të cilit ajo është sot jashtë selisë blu, e po ashtu jashtë politikës aktive
“Mes fjalëve dhe veprave të Lulzim Bashës është një oqean i tërë. Nuk thotë kurrë të vërtetën dhe as atë që mendon”, u shpreh znj.Topalli në një prononcim për Top Channel. Madje për njeriun me të cilin kurrë nuk u dashurua politikisht, ç’prej kur ai hyr në PD, kryetarin Basha, ish-kolona femërore e demokratëve për afro 10 vite, ka mendimin se është korruptuar nga pushteti.
“Qeverisja inekzistente që ka çuar në rritjen e varfërisë ekstreme, në boshatisjen e kombit nga shqiptarët, nga një vend që përmendet vetëm për drogë dhe ku çdo ditë qytetarët e saj lexojnë vetëm për vrasje, për vdekje për grabitje. Por kjo është gjysma e së keqes. Gjysma tjetër, ndoshta edhe më e rëndë është korruptimi i opozitës nga qeverisja e lidershipit të qeverisë”, ka theksuar znj. Topalli.
Sipas saj, pushteti dhe opozita sot janë dy gjysma të një të keqeje. /tesheshi.com/
