Skënderbeu ka njohur kundërshtarët me të cilët do përballet në fazën e grupeve të Ligës së Europës. Megjithëse shorti bëri që përballë korçarëve të jenë emra të njohur të futbollit europian si Sportingu, Beshiktashi apo Lokomotiva e Moskës, tekniku Mirel Josa kishte pasur shpresa për një grup me klube më të famshme.
Megjithatë, ai thotë se grupin në të cilin luan Skënderbeu është mjaft i fortë.
“Më vjen keq për tifozët që shpresonin në kundërshtarë me emër më të madh në Europë, por mendoj se edhe ky short është i fortë për ne. Sportingu, Beshiktashi dhe Lokomotiva e Moskës janë kundërshtarë të fortë dhe nuk mund të nënvlerësohen. Ata kanë treguar lojë të mirë në kampionatet e tyre dhe kupat e Europës”, tha Josa menjëherë pas shortit
Aventura e Skënderbeut në grupet e Europa League do të nisë më 17 shtator përballë rusëve të Lokomotivës. /tesheshi.com/
