Kryeministri Edi Rama, në mesazhet kritike për Policinë e Shtetit gjatë emërimit të Drejtorit të ri të Përgjithshëm Muhamet Rrumbullaku, bëri me dije krijimin e Joniadës, një strukture policore që do mbajë emrin e vogëlushes 6-vjeçare që ndërroi jetë tragjikisht në Himarë, goditur nga gomonia e drejtuar e drejtuar nga Arjan Tase, shef policie, i quajtur “i paudhë” prej tij.
“Kam kërkuar ministrit që të krijojmë një njësi speciale policore të cilën do ta quajmë Jonada, të jetë aktive në monitorimin e plazheve nga uji dhe ajri me mjete të modernizuara me dron për të siguruar siguri t plotë për pushuesit”, tha Rama, duke vijuar kritikat për atë që ndodhi.
“Edhe pse u vendosën rregulla, përdoruesit e mjeve të ujit janë shfaqur të gjithë si shkelës rregullash dhe trupat policore të kufirit nuk kanë qenë në lartësinë e duhur, sidomos në bregdetin jon ku është edhe shfaqja më akute e problemit për shkak të thellësisë dhe afrimit të motoristave e sa më afër bregut, gjë që solli dhe tragjedinë, dhe shkarkimi i drejtorit të asaj trupe ishte vendimi i duhur, por nuk mjafton. Prandaj nën drejtimin e zv/kryeministres ka nisur puna për një reformë të plotë strukturore të gjithë ngrehinës institucionale që lidhet me detin, pasi është një lëmsh absolut. Janë 6 ministri dhe 7 institucione që kanë kompetencat e tyre në det dhe mbivendosen e përplasen me njera-tjetrën dhe kjo situatë duhet të marrë fund, jo pas disa vitesh por që sezonin e ardhshëm”. /tesheshi.com/
