Sekretari amerikan i Shtetit, Jon Kerry tha se ai nuk a marrë asnjë këresë zyrtare për të dorëzuar klerikun Turk Fet’hullah Gylen i cili jeton në Pensilvani të SHBA-ve. Ai u shprehu gadishmërinë e Ëashingtonit për ta ndihmuar Ankaranë zyrtare në hetimet pas dështimit të grushtit të shtetit në Turqi. Kerry i cili pritet të vizitojë Luksemburgun, shtoi se ai nuk ka marrë kërkesë për dorëzimin e Gylenit mirëpo ajo parashikon se do të ”ngrihen pyetje rreth tij”, prandaj ai i kërkoi qeverisë turke që të paraqesë argumentat në lidhje me implikimin e Gylenit në këto plane subversive. “Pas kësaj, SHBA-të do t’i marrin këto argumente, do t’i studiojnë dhe do të vendosin atë se çfarë është më adekuate”, tha Kerry.
Kreu i diplomacisë amerikane tha në një bisedë telefonike me homologun e tij turk se Ëashingtoni qëndron krah demokracisë duke e mbështetur pa kufi qeverinë civile turke të zgjedhur demokratikisht’.
Gyleni mohon çdo akuzë
Ndërkohë, Gyleni i mohon këto akuzha duke thënë se i dënon ato me fjalët më të ashpra. Ai shtoi në një deklaratë se i dënon këtë akt pasi personalisht ka vuajtur nga disa grushte ushtarake përgjatë pesë dekadave të fundit. “Eshtë mendjelehtësi të më akuzosh mua se kam gisht në këto përpjekje, prandaj i mohoj kategorikisht këto akuza”, tha kleriku i njohur.
Qeveria turke e akuzon Gylenin se po përpiqet të krijojë struktura paralele në polici, gjyqësor, media, forcat e armatosura etj, me qëllim përvetësimin e shtetit, akuza këto që ai i hedh poshtë. /tesheshi.com/
