Sekretari Amerikan i Shtetit, gjatë fjalës së tij në deklaratën e përbashkët me Kryeministrin Edi Rama ka folur më pak por ka qenë i prerë dhe jo lakonik.
Kerry deklaroi se Shqipëria është një aleat i ngushtë dhe Uashingtoni do t’i jetë mirënjohës Tiranës për bashkëpunimin e ngushtë.
Ndërkaq, Kerry ka bërë të ditur në mënyrë të qartë kërkesën e Uashingtoni për të spastruar politikën nga të inkriminuarit dhe të korruptuarit.
Në lidhje me reformën në drejtësi, Sekretari Amerikan i Shtetit deklaroi se qeveria amerikane mbështet një qeverisje më llogaridhënëse dhe Presidenti Obama është me shqiptarët për të spastruar politikën nga zyrtarët e korruptuar.
Deklarata
“Jam i inkurajuar nga paketa e reformës në drejtësi. Dua të theksoj se kjo është diçka që udhëheqja juaj ka ndërmarrë po punojnë fort të realizohet dhe ata janë të përkushtuar për një qeverisje më llogaridhënëse dhe kjo kërkon mbështetjen e çdo shqiptari. SHBA janë absolutisht të përgatitura dhe të gatshme dhe unë jam këtu ta konfirmoj në emër të presidentit Obama që ne jemi me ju në këtë transformim dhe në këtë rrugëtim por në fund vetëm shqiptarët mund të miratojnë ligjet e duhura dhe të ngulmojnë për zbatimin efektiv të tyre. E di këtë nga përvoja vetjake. E di që është e vështirë të kapësh ata që janë bërë të lumtur me procesin e shmangies së përgjegjësive që ndajnë me gjithë kombin e tyre, duke u përfshirë në një formë të aktivitetit korruptiv apo një formë tjetër. Jam i bindur që kryeministri dhe qeveria është e angazhuar për një rrugë që do të garantojë që e ardhmja e Shqipërisë të jetë ajo që do ta çojë atë në një partneritet të plotë me Europën dhe pjesën tjetër të botës, drejt begatisë dhe mundësive më të mira të popullit shqiptar. Populli shqiptar e di shumë mirë se do të jetojë në një shtet ku sundimi i ligjit do të thotë pikërisht kjo. Gjykatësit dhe prokurorë që i përmbahen të njëjtave rregullave dhe të gjithë do të trajtohen me drejtësi pavarësisht se cila parti politike është në pushtet”.
/tesheshi.com/
