Kryeministri britanik Boris Johnson tha se e kuptonte që njerëzit në Mbretërinë e Bashkuar po ndjeheshin të irrituar nga rregullat e reja në lehtësimin e masave kundër epidemisë së koronavirusit në atë vend, raporton Politico.
“E kuptoj që njerëzit do të ndjehen të irrituar nga disa rregulla të reja,” shkroi Johnson në një artikull për Mail.
“Unë e pranoj që ajo që ne po kërkojmë tani është më komplekse sesa thjesht të qëndrojmë në shtëpi, por ky është një problem kompleks dhe duhet t’i besojmë sensit të përbashkët të popullit britanik”, tha ai.
Johnson morri kritikat për mënyrën se si lehtësoi masat e mbylljes së vendit, duke u bërë thirrje njerëzve të kthehen në punë.
Pakënaqësia e qytetarëve
Shkollat dhe disa dyqane duhet të jenë të hapura nga 1 qershori, përveç nëse keqësohet situata epidemike.
Më shumë se 34.500 njerëz në Mbretërinë e Bashkuar kanë vdekur më tani, sipas Universitetit Johns Hopkins – numri i dytë më i lartë i vdekjeve në botë, pas Shteteve të Bashkuara.
Sipas sondazheve të Observer, qytetarët e Mbretërisë së Bashkuar po bëhen më të pakënaqur. Të dhënat tregojnë se 39 përqind e njerëzve të anketuar javën e kaluar aprovojnë udhëheqjen e pandemisë nga Johnson, ndërsa 42 përqind nuk e pranojnë.
Në një sondazh tjetër të YouG, 47 përqind e publikut britanik mendojnë se qeveria po merret me krizën “mirë” dhe 49 përqind thonë se po “bën keq”.
Kujtojmë se në fillim, Johnson ishte ndër ata që i besoi imunizimit kolektiv, duke injoruar çdo masë, por më pas, kur pa ritmin e infektimeve, ndërkohë që u infektua dhe vetë duke parë vdekjen me sy, vendosi të bëjë atë që bëri gjithë bota. /tesheshi.com/
