Kryeministri britanik Boris Johnson tha pas një seance të kabinetit qeveritar se nuk dëshiron zgjedhjetë reja dhe u bëri thirrje ligjvënësve që të mos minojnë pozicionin negociues të Britanisë me Bashkimin Evropian, raporton AP.
Në një mesazh të shkurtër televiziv, ai tha se “nuk ka rrethana në të cilat ai do të pranonte një vonesë Brexit”, e cila është caktuar për në 31 tetor.
Sipas tij, një veprim i mundshëm parlamentar për të kufizuar opsionet e tij dhe për të kërkuar një tjetër vonesë të Brexit do të “shkurtojë këmbët” në pozicionin negociues të Britanisë.
Ai gjithashtu beson se “perspektiva e një marrëveshje të re me udhëheqësit e BE-së po rritet pasi zyrtarët e Unionit e dinë që Britania ka një vizion të qartë për atë që dëshiron”.
“Në mënyrë që t’u tregojmë miqve në Bruksel se ne jemi të bashkuar në qëllimin tonë, deputetët duhet të votojnë kundër vonesës së parëndësishme të Corbyn-it. Unë dua që të gjithë ta dinë: nuk ka rrethana në të cilat unë do t’i kërkoj Brukselit të vonojë. Ne po largohemi më 31 tetor – nuk ka ‘nëse” dhe ‘por'”, shkroi Johnson në Twitter.
Megjithatë, partia kryesore e opozitës, ajo Laburiste, si dhe disa deputetë konservatorë, do të përpiqen të detyrojnë qeverinë që të kërkojë nga Brukseli një shtyeje të afatit të Brexit, raportojnë media britanike.
Parlamenti kthehet nga një pushim veror të martën, me raportet e mediave që thonë se të paktën 19 “rebelë” janë në radhët e tyre.
Një burim nga radhët e Konservatorëve zbuloi se çdo deputet i tyre që voton kundër qeverisë do të dëbohet nga partia dhe nuk do të jetë në gjendje të kandidojë përkrah konservatorëve të tjerë në zgjedhjet e ardhshme.
Kryeministri Johnson ka vetëm një shumicë në parlamentin me 650 vende, dhe kërcënimet e tij për largimin e deputetëve si ish-ministrat e Thesarit dhe Mbrojtjes, Philip Hammond dhe David Gauke mund të çojnë në zgjedhje të reja.
Corbyn: Sulm ndaj demokracisë
Lideri i Laburistëve Jeremy Corbyn dëshiron zgjedhje të reja dhe njofton se partia e tij do ta parandalojë daljen pa një marrëveshje.
“Ne kemi nevojë të bashkohemi për të ndaluar Brexit pa marrëveshje. Kjo javë mund të jetë shansi ynë i fundit”, tha Corbyn.
Në një postim në Twitter, ai deklaroi se Mbretëria e Bashkuar “ka një kryeministër që nuk i ka fituar zgjedhjet dhe që nuk ka shumicë”.
“Kur ai vendos të pezullojë parlamentin sepse planit të tij për Brexit pa një marrëveshje i mungojnë votat, paralajmërojmë se ky është një sulm ndaj demokracisë”, shkroi Corbyn. /tesheshi.com/
