Aktorja amerikane Kelly Preston ka vdekur në moshën 58 vjeç nga kanceri i gjirit, njoftoi sot burri i saj, aktori po aq i njohur John Travolta..
Ai tha se Preston ndërroi jetë pas dy vjetësh duke luftuar me sëmundjen, raporton AP.
“Me një zemër të rëndë ju njoftoj se gruaja ime e bukur Kelly ka humbur një betejë dy-vjeçare me kancerin e gjirit. Ajo luftoi me guxim, me dashurinë dhe mbështetjen e të gjithë neve”, tha Travolta.
Ajo ishte e martuar me Travoltan prej 29 vjetësh. Ata kanë një vajzë, Ella-n, 20 vjeçe dhe një djalëm Benjaminin, 9 vjeç. /tesheshi.com/
