Kapitenit të Çelsit i skadon kontrata në fund të këtij sezoni, dhe klubi gjendet prej kohësh nën presionin e tifozëve për të mos e lënë atë largohet.
35-vjeçari ka luajtur në 703 takime që prej debutimit të tij në vitin 1998, duke fituar 14 trofe të mëdha, përpos shumë të tjerëve më pak të rëndësishëm.
Terry-t i është ofruar nga klubi një kontratë e re njëvjeçare, por atij i duhet të vendosë shpejt në do ta pranojë propozimin apo jo.
Vetëm 48 orë në dispozicion ka kapiteni i Çelsit për të vendosur mbi të ardhmen e tij.
“Ky është një vendim i rëndësishëm për John-in dhe familjen e tij,” ka bërë të ditur një zëdhënës, “diçka që ata po e shqyrtojnë tashmë.”
Mbrojtësit të Çelsit për vite me radhë i duhet të vendosë në do të qëndrojë dhe një vit tjetër te klubi ku kaloi karrierën, apo të vazhdojë të luajë gjetkë, në Amerikë a në Kinë, ku mund të firmosë një kontratë më të gjatë e të fitojë shumë më tepër.
Çelsi e luan ndeshjen e fundit të kampionatit të dielën në “Stamford Bridge” ndaj kampionëve të Lestërit, por Terry nuk do të jetë në fushë, për shkak të kartonit të kuq në sfidën ndaj Sandërlendit.
Gjithsesi, Terry duhet ta njoftojë të ardhmen e tij të dielën. /tesheshi.com/
