Sekretari i shtetit amerikan, John Kerry ka mbajtur një fjalim në Institutin Baker në Houston, në të cilin u fokusua në rolin e religjionit në diplomacinë e SHBA, njoftojnë mediat amerikane.
Ai theksoi se “janë shfaqje e qëndrime të neveritshme ato nga ana e disa individëve në SHBA, të cilët mundohen të fajësojnë gjithë muslimanët për sulmet terroriste në SHBA, të kryera nga individë të caktuar.”
‘’Të fajësosh gjithë muslimanët për veprimet e disa individëve, është si të fajësosh gjithë të krishterët për krimet e kryera ndaj muslimanëve në Bosnë dhe në Kosovë gjatë viteve të 90-ta,’’ ka theksuar Kerry.
Sekretari amerikan i shtetit ka thënë se liderët muslimanë në tërë botën kanë dënuar terrorizmin e Shtetit Islamik (ISIL), Boko Haramit dhe grupeve tjera terroriste.
‘’Këta liderë kanë thënë se aktet që janë kryer nga këto grupe nuk janë në përputhje me mësimet e Islamit. Por vetëm dënimi i këtyre akteve nuk mjafton’’, ka shtuar Kerry.
Ai ka theksuar se arsyeja pse disa njerëz përsëri po bijnë aq lehtë nën ndikimin e këtyre grupeve terroriste, është edhe represioni politik dhe korrupsioni në strukturat qeverisëse’’ ka theksuar Kerry. /tesheshi.com/
