Gjatë fjalës së tij në gjatë qëndrimit në aeroportin “Adem Jashari” në Prishtinë, sekretari amerikan i shtetit, John Kerry, ka ofruar një model se si duhet të sillet politika e Prishtinës, më saktë kahjet kundërshtare, duke bërë krahasimin mes amerikanëve dhe vietnamizëve.
“Kemi shembullin tonë me Vietnamin, kemi pasur një luftë me ta dhe tashmë e kemi lënë pas krahëve, për t’i hapur rrugën bashkëpunimit mes nesh. Kuvendi nuk është vendi ku mund të frikësohesh prej gazit lotsjellës, të gjitha palët duhet të diskutojnë për të ngushtuar dallimet dhe të gjithë qytetarët të trajtohen njësoj pavarësisht nga opozita apo përkatësia etnike e gjinore”.
Sekretari Kerry ka dënuar dhunën në Kuvend, çka lë të kuptohet se ndërhyrja brutale, por dhe në përgjithësi ashpërsia e reagimit të pushtetit ndaj opozitës kosovare ditët e fundit, e ka patur një “ok” nga jashtë, përfshirë dhe Ushingtonin.
Më pas Kerry ceku dhe çështjen delikate Gjykatës Speciale, duke u shprehur shkurt e pa asnjë ekuivok: “kërkoj Kosovës që të themelojë edhe Gjykatën Speciale, për të hetuar akuzat për krime luftë në Kosovë, në mënyrë që të gjitha padrejtësitë të ndëshkohen”
Deklaratat e sekretarit Kerry ishin të atillë sa që e “trimëruan” disi kryeministrin Mustafa, i cili u tregua euforik në deklarimet e tij kur tha se
“Sot patëm kënaqësinë të prisnim Kerryn. E njoftova për situatën në vend dhe e falënderova sekretarin dhe qeverinë e SHBA-ve për përkrahjen dhe ndihmën që ata i japin shtetit të Kosovës. Po punojmë për zhvillimin ekonomik të vendit, për stabilitet politik, për politika të fqinjësisë së mirë, dhe për integrimin europian. Po punojmë edhe për integrimin e komuniteteve serbe, sikurse kemi vijuar dialogun me Serbinë. Pas nënshkrimit të MSA-së ne presin edhe liberalizimin e vizave nga Bashkimi Europian. Përkundër tensioneve të fundit, qeveria mbetet e vendosur të vazhdojë dialogun me Serbinë, ashtu sikurse marrëveshjet do të shqyrtohen nga Gjykata Kushtetuese.”
/tesheshi.com/
