Sekretari amerikan i Shtetit ka qenë të dielën për bisedime në Arabinë Saudite, për t’u zhvendosur me nisjen e javës në Vjenë, në kuadër të një sërë takimesh.
Kerry është takuar në Xheda me mbretin saudit, Selman, ku temë kryesore e bisedës ka qenë situara në Siri, Jemen e Libi.
Një zëdhënës amerikan deklaroi se John Kerry ofroi gjatë bisedimeve një përshkrim të gjendjes në Siri pas ndërprerjes së luftimeve javën e shkuar.
Diplomati amerikan do të takohej dhe me princin e kurorës, Muhammed bin Naif, si dhe me ministrin e Jashtëm të Arabisë Saudite, Adil el-Xhubejri.
Veç çështjeve rajonale, veçanërisht në Siri, bashkëpunimi dypalësh mes SHBA-ve dhe Arabisë Saudite ka qenë pjesë e diskutimeve.
Sot Kerry do të jetë në kryeqytetin austriak, ku së bashku me ministrin e Jashtëm italian do të kryesojnë bisedime mbi Libinë. Për të drejtuar me homologun rus të martën një takim mbi Sirinë, të Grupit Ndërkombëtar të Mbështetjes për Sirinë. /tesheshi.com/
