Këshilltari amerikan i Sigurisë Kombëtare, John Bolton do të udhëtojë për në Moskë javën e ardhshme për të organizuar një takim të mundshëm mes Trump dhe Putin, tha Shtëpia e Bardhë.
AFP raporton se një informacion i tillë është konfirmuar dhe nga Kremlini.
“Prej kohësh e dime se kjo vizitë do të ndodhë”, tha zëdhënësi i Kremlinit, Dmitri Peskov, duke iu përgjigjur pyetjes nëse Bolton së shpejti do të vizitojë Moskën.
Në fillim të qershorit, Putin tha se ishte i gatshëm të takohej me Trump, duke shtuar se shumë vende, veçanërisht Austria, ishin gati të organizonin takimin.
Mediat e SHBA raportojnë se takimi mund të mbahet në mes të korrikut në Evropë. Presidenti amerikan pastaj do të qëndrojë në samitin e NATO-s në Bruksel.
Një zyrtar diplomatik tha se administrata e Trump dëshiron që takimi të mbahet në Uashington, por Moska këmbëngul në një terren neutral.
Ai shtoi se ndoshta Vjena do ishte vendi i takimit të shumë diskutuar.
Megjithatë, kjo ende nuk është konfirmuar zyrtarisht. /tesheshi.com/
