Vizita e eurokomisionerit Johanes Hahn në Maqedoni, realizuar në kulmin e një ngërçi politik që nuk po e bën të mundur formimin e qeverisë së re, ëshët finalizuar nga dhurimi i disa automjeteve në emër të Komisionit Europian për dy dikastere qeveritare, si dhe nga një këshillë, tipike nga ato standartet, pa u dalluar asnjë nuancë mesazhi tjetërsoj fshehur nën fraza.
“Duhet përkushtim dhe punë konkrete në kontekst të perspektivës evropiane të Maqedonisë. Bashkimi Evropian do të bëjë gjithçka që t’i ndihmojë lidershipit dhe shtetit të Maqedonisë. Për formimin e qeverisë duhet të dihet se bëhet fjalë për një vendim cilësor dhe jo të shpejtë, dhe se partitë politike duhet të demonstrojnë pjekuri demokratike dhe të formojnë program të bazuar në marrëveshjen e Përzhinos, duke treguar përkushtim ndaj perspektivave evropiane. Nëse kjo ndodh, ka një ardhmëri për Maqedoninë”, tha Johanes Han.
Diplomati i Brukselit pati takime me të gjithë krerët e partive, dhe ditët që pasojnë do të kuptohet nëse u ka dhënë ndonjë recetë zgjidhejeje konkrete. Deri më tani, gjithçka ka ngecur në vend dhe ngjan se situatën mund ta zgjidh vetëm Edi Rama, atij që i atribuohet ky ngërç nga pala maqedonase, për shkak të rolit të tij në krijimin e Platformës Shqiptare. /tesheshi.com/
