Grupet ekstremiste serbe marrin avancë pas publikimit të aktakuzës që e nxirrte Slobodan Milosheviqin si të “pafajshëm” për krimet në Bosnjë.
Pikërisht në një ditë kur mediat e Beogradit kanë mbushur faqet e tyre mbi zbardhjen e vendimit të Hagës që u cilësua një “kaos” nga analistët, radikalët serbë, ish-aleatët e kryeministrit Vuçiq kanë shpallur protestë kundër vizitës së zv.presidentit të SHBA-së në Beograd, Joe Biden.
Siç bën të ditur partia e Vojislav Sheshel, që gjithashtu u shpall i pafajshëm për “krime lufte” dhe që mori shumë vota në zgjedhjet e 24 prillit, ditën që Biden do të vizitojë Serbinë do të zhvillohet një protestë e dyfishtë: kundër administratës “Obama”, por edhe në mbështetje të kandidatit republikan për Shtëpinë e Bardhë, Donald Trump.
Biden do të vizitojë Beogradin të martën dhe do të pritet nga krerët më të lartë të shtetit.
Radikalët e kanë programuar protestën e tyre në orën 17.00 përballë presidencës së Serbisë.
Kreu i radikalëve, Vojislav Sheshel do të flasë në protestë, ku do të dhurojë bluza të stampuara me fytyrën e Donal Trump-it.
Strategjia e radikalëve vjen në një linjë kur pozitat filoruse në Serbi janë rritur shumë, sidomos pas tërheqjes së Vuçiç dhe marrjes në qeveri të pasardhësve të Slobodan Milosheviqit, për të cilët pati urdhër direkt nga Moska.
Siç bën të ditur B92, këto protesta nisin në një ditë kur në Bruksel kanë rifilluar bisedimet mes qeverisë së Serbisë dhe asaj të Kosovës për “Zajednicën”, pra Asocacionin e Komunave Serbe.
Siç mësohet, negociatat do të nisin nga e para në mënyrë që Beogradi të marrë më shumë konçensione dhe kompetenca për Asocacionin.
Ndërkaq, ambasadori rus në Beograd, Alexandër Cepurin tha se “ai e di se cili nga ministrat është pro-rus”.
“Është eqartë se cili nga liderët është i tillë. E rëndësishmeështë që qeveria të jetë pro-serbe, dhe nëse është e tillë është e pamundur që të jetë anti-ruse”, tha Cepurin. /tesheshi.com/
