Presidenti amerikan Joe Biden dhe udhëheqësi i pakicës republikane në Senatin amerikan Mitch McConnell morën dozën e tretë të vaksinës së koronavirusit të hënën dhe u bënë thirrje të gjithë atyre që nuk e kanë bërë këtë që ta hedhin dhe këtë hap.
Biden dhe McConnell morën dozën e tretë në ditën e parë të punës pasi Qendrat për Kontrollin dhe Parandalimin e Sëmundjeve (CDC) dhe Administrata e Ushqimit dhe Barnave (FDA) rekomanduan dhe miratuan një dozë të tretë të vaksinës për amerikanët mbi 65 vjeç dhe ata me imunitet të dobësuar në një mjedis pune me rrezik të lartë, raporton AP.
Të dy thanë se ndërsa dozat e rritura sigurojnë mbrojtje më të qëndrueshme kundër virusit, porse ato nuk janë zgjidhja për t’i dhënë fund pandemisë.
Today I got my COVID-19 booster shot—and just like my first and second dose, it was safe and easy.
Get vaccinated. Together, can we save lives and beat this virus. pic.twitter.com/gtNAQqmOoj
— Joe Biden (@JoeBiden) September 27, 2021
“Përforcuesit janë të rëndësishëm, por gjëja më e rëndësishme që duhet të bëjmë është të vaksinojmë sa më shumë njerëz të jetë e mundur,” tha Biden.
Si kujtesë, javën e kaluar drejtori i CDC, dr. Rochelle Walensky paraqiti një seri rekomandimesh për vaksinimin me dozen e tretë. Biden pastaj vlerësoi vendimin dhe njoftoi vaksinimin.
Me atë rast, ai tha, “është e vështirë të pranosh që jam mbi 65 vjeç, por do të filloj me dozën e tretë,” raportuan mediat amerikane.
Këshilltarët thanë se doza e tretë duhet t’u ofrohet njerëzve mbi 65 vjeç, përdoruesve të shtëpive të pleqve dhe atyre të moshës 50 deri në 64 vjeç që kanë probleme të rrezikshme shëndetësore. U vu re se një dozë shtesë do të jepet të paktën gjashtë muaj pas dozës së dytë. /tesheshi.com/
