Zëvendëspresidenti amerikan, Joe Biden, do ta vizitojë Kosovën dhe Serbinë, javën e ardhshme, ka bërë të ditur Shtëpia e Bardhë.
Biden, në Kosovë do të jetë prezent në ceremoninë ku autostrada Ferizaj-Gjilan, e cila lidhet me bazën amerikane Bonsteel do të marrë emrin e të birit të ndjerë, Beau Biden, i cili humbi jetën nga kanceri.
Beau Biden kishte shërbyer në Kosovë në vitin 2001 si këshilltar ligjor i qeverisë.
Numri dy i Shtëpisë së Bardhë do të zhvillojë një vizitë në Ballkan nga 15 deri 17 gusht, por ende nuk është konfirmuar nëse do të jetë në Tiranë, siç është thënë më parë.
Muajin e kaluar Shtetet e Bashkuara transferuan në Serbi dy të burgosur nga burgu i Guantanamos. Sekretari i Shtetit John Kerry e falenderoi Serbinë për gjestin humanitar për pranimin e tyre.
Sekretari Kerry ishte në Kosovë dhe Serbi në dhjetor. Vizita në Kosovë vuri në pah shqetësimin e Perëndimit për ngadalësinë e përparimit 16 vjet pas shpalljes së pavarësisë.
Kosova ndeshet me një sfidë të re, ndërsa pritet miratimi nga parlamenti i marrëveshjes së vijës kufitare me Malin e Zi, një çështje që muajt e fundit ka shkatuar një krizë politike pas protestave të vazhdueshme të opozitës.
/tesheshi.com/
