Zëvendëspresidenti amerikan Joe Biden ka marrë “bekimin” e shefit të Shtëpisë së Bardhë për të kandiduar në zgjedhjet presidenciale të vitit 2016. Lajmin e bën të ditur rrjeti televiziv CNN, që citon një zyrtar të lartë demokrat.
Por, nëse Biden vendos të kandidojë, vendimi është vetëm i tij. Edhe pse nuk ka nevojë për “leje” nga presidenti, kandidimi i tij i mundshëm u diskutua gjatë një drake në Shtëpinë e Bardhë, thonë burimet. Presidenti e ka bërë të qartë se nuk do të nxjerrë pengesa për kandidimin apo ta këshillojë kundër këtij vendimi.
Zyra e zëvendëspresidentit nuk e konfirmoi lajmin, duke hedhur poshtë të gjitha spekulimet për të ardhmen politike të numrit dy të Shtëpisë së Bardhë.
Por, media ka mësuar se Biden përpos takimit me Obamën dhe diskutimit të kandidaturës me të, ka caktuar edhe një takim me ekipin Anita Dunn dhe Bob Bauer. Bashkëshortët kanë qenë në krah të Obamës për më shumë se një dekadë e në takim pritet të marrë pjesë edhe shefi i stafit të Biden.
Në takim mund të diskutohet kandidimi i Biden, nëse ai vendos ta ndërmarrë këtë hap. /tesheshi.com/
