Një prej emrave më të njohur të drejtësisë shqiptare, Ariana Fullani, e njohur dhe si bashkëshortja e ish-Guvernatorit të Bankës Adrian Fullani, ka vendosur që të mos i nënshtrohet vettingut.
“Komisioni çmon se, subjekti i rivlerësimit ka shfrytëzuar të drejtën që i njeh Kushtetuta për dorëheqje. Ndërprerja e procesit të rivlerësimit për shkak të dorëheqjes së subjektit të rivlerësimit sjell si pasojë përfundimin e kësaj procedure administrative dhe si rrjedhojë, subjekti i rivlerësimit humbet të drejtën për t’u emëruar gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshëm, për një periudhë 15-vjeçare, sipas parashikimeve të pikës 2, të nenit “G” të Aneksit të Kushtetutës”, thuhet në vendim e Komisionit të Pavarur të Kualifikimit.
Kështu, anëtarja e Gjykatës së Apelit e cila posedon një pasuri jo të vogël, vendos që të dalë nga sistemit i Drejtësisë.
Arjana Fullani është përmendur dhe në “Kurban”-in, nga vetë ky i fundit, i cili i bën medije opinionit se është një kushërirë e tij nga ana e mamasë. E gjitha në kontekstin e një zhgënjimi prej saj për rastin e një procesi pas një padie për shpifje. /tesheshi.com/
