Agjensia e inteligjencës e Koresë së Jugut tha se nuk kishte shenja që lideri i Koresë së Veriut Kim Jong-un të ishte operuar në zemër.
Kim nuk është parë në publik për tre javë, duke nxitur spekulime për shëndetin e tij dhe vendndodhjen para se të paraqitej të shtunën.
Shërbimi i Inteligjencës Kombëtare (NIS) gjithashtu tha në një takim me ligjvënësit me dyer të mbyllura që Kim u shfaq në publik 17 herë këtë vit, më rrallë se kurrë, kryesisht për shkak të angazhimit të tij për çështjet e brendshme dhe ndikimit të pandemisë koronare.
“Kim vlerësohet të mos ketë patur asnjë operacion, asnjë operacion në zemër”, tha deputetja Kim Byung-ke e Partisë Demokratike në pushtet.
Agjensia gjithashtu thotë se Kim ka pasur 66 përqind më pak aktivitet publik deri tani këtë vit se zakonisht.
“Edhe pse Kim nuk u paraqit në publik, ai menaxhoi punët e shtetit si zakonisht,” tha agjensia NIS.
Inteligjenca e Koresë së Jugut nuk e përjashton mundësinë e një epidemie në Korenë e Veriut, megjithëse Pyongyang pretendon se asnjë rast i infeksionit nuk është konfirmuar, por janë duke rritur përpjekjet parandaluese.
Agjensia gjithashtu vuri në dukje se nuk u vërejtën shenja të pazakonta që tregojnë se Koreja e Veriut ka rifilluar operacionet në kompleksin bërthamor, në të cilin aktivitetet u pezulluan në vitin 2018.
Inteligjenca gjithashtu vëren se nuk ka ndonjë lëvizje të veçantë as në vendin e provës bërthamore, as në vendin e lëshimit të raketave. /teshesh.com/
