Asnjëherë nuk është vonë për sport, e këtë ta thotë me bindje Makbule Kababiyik, 80 vjeçe, nga Gelibolu, Turqi. Ajo nisi të garojë në vrap në moshën 76-vjeçare, raporton Anadolu Agency.
Kababiyik ka marrë pjesë në gjashtë gara kryesore gjatë katër viteve të fundit, duke triumfuar e marrë çmime.
Kababiyik kaloi 23 vjet duke punuar në një fabrikë, dhe pas daljes në pension, ajo vendosi të aktivizohej me sport, për të treguar një shembull se si mund të mbahej e re.
Në fshatin ku jeton që nga viti 2000, ajo është quajtur “nana atlete”, dhe duke pasur parasysh sukseset në atletike.
Në një intervistë për Anadolu Agency (AA), ajo kujtoi se kur ishte një vajzë 11-12 vjeç, zhvilloi gara me mësuesit e saj dhe ç’prej atëherë korri sukses.
“Kanë kaluar 65 vjet nga atëherë. Mbetën ca kujtime tek unë. Dhe pastaj, në 2015, kur isha 76 vjeç, fillova të vrapoja. Jam shumë e lumtur. Tani jam 80 vjeçe por do vazhdoj të vrapoj”, tha Kababiyik.
Ajo shtoi se në 2015 mori pjesë në Maratonën e Vodafone të Stambollit.
Më pas, dy herë mori pjesë në Maratonën e Turkcell Gelibol në Canakkale.
“Kam marrë pjesë në gjashtë maratona duke fituar katër kupa”, thotë ajo.
Kababiyik thotë se gjithnjë është përpjekur të ketë një mënyrë jetese të shëndetshme, të cilën u rekomandon brezave të rinj.
“Unë do të merrem sport sa të jem gjallë. Vrapimi është diçka që e kam dashur që nga fëmijëria. Unë fillova në moshën 76 vjeç dhe këshilloj ata që nuk mund të vrapojnë që të paktën të ecin”, tha Kababiyik. /tesheshi.com/
