Operatorët turistik rus kanë filluar të nisin grupe turistësh në Siri, me gjithë paralajmërimet e qeverisë për të shmangur vizita në vendin e shkatërruar nga lufta.
Dy kompani ruse filluan të ofrojnë turne me vizita në shtatë qytete siriane, ku si pikënisje është kryeqyteti libanez Bejrut.
Itinerari i turneve tetë-ditëshe përfshin kryeqytetin Damask, qytetin e Alepos dhe “nusen e shkretëtirës” – pallatet romane të Palmirës.
Kostoja e vizitës fillon me 1.950 dollarë amerikanë, pa biletat e avionit, tarifat e vizave ose sigurim.
Por pas raporteve të mediave në lidhje me udhëtimet, Agjensia Federale Ruse e Turizmit lëshoi një rekomandim për të gjitha kompanitë turistike që të ndalonin udhëtime në Siri, dhe këshilloi turistët rus të shmangin udhëtimet në vend deri në “normalizimin e situatës”.
Operatorët turistikë megjithatë kanë theksuar se itinerari i tyre nuk shkon askund afër krahinës veri-perëndimore të Idlib, fortesa e fundit e rebelëve në Siri. Ata gjithashtu kanë sqaruar se thjesht janë duke rifilluar turne që ishin pezulluar për shkak të paqëndrueshmërisë politike në vend.
Siria është shkatërruar nga tetë vjet konflikti pasi kryengritja paqësore kundër Presidentit Bashar al-Asad në 2011 u shndërrua në një luftë civile të përshkallëzuar. /tesheshi.com/
