Phidias Panagiotou, YouTuberi i ri që tronditi Qipron në zgjedhjet e fundit evropiane, postoi videot e tij të para nga Parlamenti Evropian në X.
“Kam ardhur këtu…Më duhet të kuptoj se si funksionon Parlamenti Evropian. Fillimisht duhet të dish të dhënat, si funksionon diçka dhe më pas të bësh një plan”, thotë fillimisht i riu Phidias.
Siç rrëfen ai “në fazën e tanishme po mësojmë, por më lejoni t’ju tregoj diçka interesante” ndërsa video vazhdon brenda dhomës plenare të Parlamentit Evropian.
“Kjo do të jetë puna ime, do të votoj po dhe jo dhe gjëra të tjera. Kjo është një dhomë ku kemi punuar shumë për të arritur. Thonë se udhëtimi është më i rëndësishëm se destinacioni, udhëtimi filloi me një destinacion për të qenë i dobishëm”, përfundoi ai në videon e tij të parë.
Για πρώτη φορά στο Ευρωκοινοβούλιο pic.twitter.com/KiCiuw0iM3
— Fidias Cyprus (@FidiasCyprus) June 18, 2024
Në videon e dytë, Phidias Panagiotou informon për emërimin nga grupi politik i të Gjelbërve, të cilin e ka cilësuar si “interesant”.
“Kreu i të Gjelbërve gjeti arsye që unë të bashkohem me të Gjelbërit. Ishte interesante që mund të votoja çfarë të dua pavarësisht pozicioneve të ekipit. Më tha se stafi prej 100 vetësh i të Gjelbërve do të jetë në dispozicionin tim. Interesante ajo që më tha se mund të përdorësh 45 mijë euro për të bërë gjëra të ndryshme si dokumentarë. Do të kem një takim edhe me grupet e tjera politike dhe do të shoh se çfarë do të më thonë”, përshkroi eurodeputeti qipriot.
Ραντεβού με τους Πράσινους pic.twitter.com/Btir5YxTCo
— Fidias Cyprus (@FidiasCyprus) June 18, 2024
Pra, duke parë këtë video të këtij europarlamentari, vihet re se kualiteti i ulët i atyre që përfundojnë si deputetë nuk është vetëm një fenomen shqiptar, qenka dhe europian. E tregon këtë dhe Beleri. /tesheshi.com/
