Është viti 2016 dhe Mattel më në fund ka lajmëruar krijimin dhe hedhjen në treg të kukullave Barbie, të cilat nuk janë të përsosura, sa i takon përmasave të tyre trupor. Nuk janë tepër elegante por edhe paksa të bëshme, çka është një hap shumë i mirë i përballimit të fëmijëve të vegjël me realitetin.
Mirëpo, veç kukullave Barbie, në treg qarkullojnë edhe kukulla të tjera, të cilat ia vlen që t’ua blini fëmijëve tuaj, e bashkë me to të krijoni një pjesë të mirë të kujtimeve të fëmijërisë së vogëlushëve tuaj. Ja cilat janë këto kukulla:
Fulla – Ka disa kohë që është krijuar kjo kukull. Kjo linjë prodhimi është cilësuar shumë me interes për islamikët në vendet e Lindjes së Mesme.
Hearts for Hearts Girls – Zemra për Vajzat me Zemër janë kukulla të krijuara nga Playmates Toys dhe përfaqësojnë kultura të pjesëve të ndryshme të botës. Disa prej këtyre kukullave janë nga Etiopia, India apo Appalachian. Shola, për shembull është nga Afganistani dhe është tepër e bukur.
Poppy The Doll – Janë kukulla shumë të këndshme pasi mund të modifikohen për t’u dukur herë si femra e herë si meshkuj. Ju mund të zgjidhni vetë ngjyrën e lëkurës, të flokëve, të syve, veshjet, me apo pa hijab. Janë shumë të buta dhe fëmijët mund të luajnë pa problem me to.
Off D’Hook Creations – Është me të vërtetë një kukull e ëmbël, e cila gjendet me modele të ndryshme flokësh dhe ngjyra të ndryshme të lëkurës. Çdo kukull është unike dhe shumë e bukur.
Omni – Çifti Omni është i adhurueshëm. Ata mbajnë veshje tradicionale arabe, përfshirë edhe fustanet palestineze dhe nëse dëshironi,, mund të blini gjithë familjen, jo vetëm prindërit.
Dzaltastic – Janë punime të bëra me dorë. Mund të porosisni çfarë të doni ju, në mënyrë që t’ia mbushni me gëzim fëmijërinë të voglës apo të voglit tuaj. /tesheshi.com/
