Më shumë se gjysmë milioni euro është shuma e faturave të shpenzuara për ushqim nga kryeministri në detyrë, Ramush Haradinaj. Shuma prej 506.779.22 është vlera e harxhuar gjatë gjysmë mandatit qeverisës, i cili qe përmbyllur me dorëheqje.
Të dhënat në fjalë ndodhen në pasqyrën e harxhimeve që Zyra e Kryeministrit ia ka prezantuar medias “Koha Ditore” pas një kërkese të përsëritur për qasje në dokumente publike.
Mbështetur në këto të dhëna, 672.223.14 euro ishte shuma e harxhuar në dreka nga Haradinaj, stafi i tij, si dhe nga të pesë zëvendëskryeministrat me anëtarët e tyre në kabinete, edhe nga koordinatorët nacionalë.
Ndërkaq, pasqyra e re ka treguar se mbi gjysmë milioni euro janë harxhime të bëra vetëm nga kreu i Qeverisë, disa fatura për të cilat shpenzime ka mundur t’i sigurojë gazeta. Kjo i bie të jenë çuar në dreka rreth 1 mijë euro në secilën ditë pune. /tesheshi.com/
