Afrika Lindore është e ndarë nga pjesa tjetër e kontinentit brenda një ngjarjeje gjeologjike që është pjekur ndër miliona vite dhe në të ardhmen mendohet se do ta lërë kontinentin pa “bririn” e famshëm të saj. Megjithatë, ky fenomen natyror po shkakton probleme që tani.
Pjerrësia gjeologjike në anën lindore të kontinentit, e cila një ditë do të mbushë oqeanin, zgjerohet shumë më shpejt sesa shkencëtarët kanë menduar.
Për këtë arsye, u shkatërrua një nga rrugët kryesore të transportit në Kenia.
Administrata e Autostradës tha se rruga është çarë si pjesë e procesit që po ndodh në koren e tokës, dhe kjo ndodhi pikërisht në Ditën e Tokës që është vendosur nga OKB.
“Kjo përfaqëson shkëputjen e madhe të Afrikës në dy pllaka tektonike. Pllaka somaleze është e ndarë nga pjesa tjetër e kontinentit në një normë prej 2.5 centimetra në vit. Nëse ky trend vazhdon, pllaka somaleze do të vazhdojë të shkëputet, gjë që mund të rrezikojë më tej infrastrukturën ekzistuese dhe sigurinë e popullsisë”, tha gjeologu David Adede.
Shkencëtarët do të vazhdojnë të punojnë në studimin e këtij fenomeni në mënyrë që të këshillojnë qeveritë për të dërguar njerëzit në vende më të sigurta.
Ndarja e pllakës somaleze shkaktohet nga lëvizja e një pjese të guaskës së Tokës, e cila transferon nxehtësinë nga bërthama e Tokës në sipërfaqen e saj /tesheshi.com/
