Jo të gjitha miqësitë që krijojmë në jetë janë të çmuara dhe kanë vlerë. Ka edhe nga ato miqësi, të cilat mund të jenë të pavlera, apo akoma më keq, edhe të dëmshme.
Mes njerëzve më negativë janë ata që nuk të telefonojnë kurrë. Problemi nuk është nëse ndodh që ndonjëherë të harrojnë, por kur kjo gjë bëhet në mënyrë të përsëritur dhe të rregullt. Këta persona tregojnë që nuk janë aspak të interesuar për atë që ju jeni duke bërë, ndaj kjo është shenja e parë që mund të dalloni një mik jo të mirë.
Në të njëjtin nivel janë edhe personat që na zhgënjejnë duke mos ardhur në takimet e përbashkëta, apo që kanë gjithmonë një justifikim në momentin e fundit. Nëse nuk duan të rrinë me ty, më mirë të largohen menjëherë.
Personat e ndershëm janë si thesari, ndërsa personat që ju duken të sinqertë duke ju spiunuar veprimet e të tjerëve, jo gjithmonë janë pozitivë. Nëse një njeri ju thotë gjërat siç janë në mënyrë të vendosur, thuajse si me të keq, duke nxjerrë në pah gjithmonë anët tuaja negative, duhet të largoheni prej tyre pasi dihet që zilia për anët tuaja negative nuk i lejon të jetë një mik apo mikeshë e mirë.
Thashethemet, veçanërisht mes femrave, mund t’ju pëlqejnë, por një rregull i pashkruar këshillon të mos flisni kurrë keq për persona që nuk janë të pranishëm në bisedë. Nëse një shoqe apo shok i juaji flet keq për persona të tretë, pranë jush, të jeni të sigurt se të njëjtën gjë do të bëjë edhe për ju kur të jetë me persona të tjerë.
Nëse dikush ju vë në lojë apo pëlqen të bëjë ironi me ju edhe në praninë e personave të panjohur, të jeni të sigurt që nuk është një mik i mirë. Veç ironisë mund të tregohet edhe i pakujdesshëm e të flasë për probleme të ndryshme tuajat.
Të dëmshëm janë edhe ata njerëz që nuk bëjnë gjë tjetër veçse ankohen dhe flasin për problemet e tyre. Janë pikërisht ata që ju sjellin negativitet dhe që përgjithësisht duan vetëm të marrin e kurrë të mos japin në një marrëdhënie miqësore. /tesheshi.com/
