Pasi që refuzoi propozimin e kryeministrit të Maqedonisë Zoran Zaev “Republika e Maqedonisë së Ilindenit” si kompromis për zgjidhjen e kontestit të emrit, Athina Zyrtare insiston në atë që zgjidhja më e mirë është ajo e një emrit prej atyre që i ka dorëzuar ndërmjetësuesi i OKB-së për kontestin, Methju Nimiç. Këtë e ka bërë të ditur zëdhënësi i qeverisë së Greqisë dhe ministri pa portofol, Dimitros Xanakopullos, në një intervistë për radion greke “Real FM”.
Ai e ka përshëndetur pranimin e erga omnes(gjithpërfshirës) për ndryshimin e emrit të shtetit të Maqedonisë si rrjedhojë e negociatave të sukseshme të dy kryeministrave.
“Në lidhje me emrin, ne s’kemi arritur deri atje. Gjithsesi ekzistojnë propozime që janë vendosur në tavolinë, por, megjithatë, pala greke insiston në atë se zgjidhja më e mirë është që të zgjedhet njëri nga emrat që i ka dorëzuar ndërmjetësuesi, Nimië. Por nuk kemi arritur deri atje, duhet që të kalojmë ende rrugë që të mundemi të flasim për marrëveshje përfundimtare”, tha Xanakopullos në intervistë dhe ka shtuar se gjithsesi bisedohet edhe për “propozimet e fqinjëve tanë, por, megjithatë, bisedimet janë në kornizën konkrete dhe është mirë që të mbahemi në të”.
Xanapulos në fund shprehi shqetësimin e papërgjegjësisë së opozitës greke, e veçanërisht ka kritikuar Demokracinë e Re të Greqisë se sipas tij, nuk ka disponim që të funksionojë me konstruktivitet.
Ja disa nga emrat e përfolur si propozime të Metju Nimiç për zgjidhjen e kontestit të emrit ndërmjet Maqedonisë dhe Greqisë:
Republika e Re e Maqedonisë
Republika Veriore e Maqedonisë
Republika e Maqedonisë së Epërme
Republika e Vardarit të Maqedonisë
Republika e Maqedonisë së Shkupit. /tesheshi.com/
