E gjitha çfarë po ndodh mes Kosovës dhe Serbisë, ka në sfond një ndryshim të qasjes amerikane ndaj Beogradit që me emërimin ambasador aty të Cris Hill, ndryshe nga ç’pritej.
Mjaft që diplomati i njihur i viteve ’90, me protagonizëm në luftrat në ish-Jugosllavi, është ndër partizanët e themelimit “pa kushte” të Asosacionit, duke kërkuar këmbëngulshëm nga Prishtina që ta bëjë këtë pa hezitim.
Shenjë e kësaj anësie, shenja të qarta të së cilës ka dhe në qasjen europiane, u panë së fundi kur ambasada amerikane në Beograd përkujtoi një ngjarje nga Lufta e Dytë, duke dhënë vlerësime për kryeçetnikun famëkeq të asaj kohe, Drasha Mihajlloviç.
Më saktë, ambasada amerikane në Serbi publikoi një video promovuese ku përkujtonte shpëtimin e pilotëve amerikanë në operacionin “Halliard” me këtë përshkrim:
“Si aleatë, serbët dhe amerikanët mund të arrijnë të pamundurën”.
Autor i kësaj pikërisht Christopher Hill.
Kao saveznici, Srbi i Amerikanci mogu da ostvare nemoguće. #jačizajedno pic.twitter.com/5TCZzD5cWC
— Američka ambasada (@USEmbassySerbia) September 22, 2023
Në video shfaqet një monument për të cilin shkruhet se po ngrihet për nder të “Aleancës së SHBA-së dhe trupave të gjeneralit Drasha Mihailoviç”. Më vonë, i njëjti monument shfaqet i zbukuruar me kurora.
Por siç komentojnë në mënyrë kritike disa media boshnjake, çetnikët nën komandën supreme të Mihailoviçit ishin bashkëpunëtorë të okupatorit, shërbëtorë të tij dhe kryen krime të shumta, përfshirë gjenocidin. Roli i çetnikëve në shpëtimin e pilotëve aleatë ishte i vogël dhe oportunist, e tani, përhapja e një imazhi pozitiv mbi të është pjesë e projektit shtetëror të Serbisë.
Historiani Robert Donia, në artikullin shkencor “The Forgotten Thousands: The Historiography of War II World Rescues of Allied Airmen in Jugosllavia”, shpjegoi rolin e çetnikëve në shpëtimin e pilotëve aleatë dhe se si ky rol u ekzagjerua për nevojat politike të Luftës së Ftohtë.
Pra, tej mënyrës së kritikueshme të një mungese të pretenduar elasticiteti diplomatik të Albin Kurtit, është e dukshme një ftohje perëndimore ndaj Kosovës dhe ngrohje me Serbinë, që ndoshta këtë po dallon Kurti për të mos qenë elastik por stoik përballë një njëanshmërie të rrezikshme kah Serbia. /tesheshi.com/
